Exclusives

Enchong Dee, Helen Gamboa, Nanding Josef, Philip Nolasco, Boboy Garovillo, Kenjie Garcia, Dominic Ochoa, Daisy Reyes, Ina Fileo, Cherry Lou, Angeline Urquico, Neri Naig, Jommy Teotico, Jerome Ventilla and Gigi Posadas

AWARD-WINNING ‘PAROL’ EPISODE NG “MAALAALA MO KAYA” MULING MAPAPANOOD NGAYONG SABADO. Ipalalabas muli ngayong Sabado (Disyembre 31) ang award-winning \'Parol\' episode ng “Maalaala Mo Kaya” na kintampukan nina Enchong Dee at Helen Gamboa. Sa husay ng kanilang pagganap, kapwa pinarangalan ngayong taon sa dalawang magkaibang award-giving bodies ang mga bida-- si Enchong, ginawaran ng PMPC Star Awards for TV ng \'Best Single Performance by an Actor;\' samantalang nakamit naman ni Helen ang \'Best Single Performance by an Actress\' mula sa 8th Golden Screen TV Awards. Muling kilalanin ngayong Sabado si Toto (Enchong), isang huwarang anak na bagama\'t may kapansanan sa paningin ay nagawang imulat ang buo niyang pamilya sa tunay na halaga ng pakikipaglaban sa buhay. Kasama nina Enchong at Helen sa ‘Parol’ episode sina Nanding Josef, Philip Nolasco, Boboy Garovillo, Kenjie Garcia, Dominic Ochoa, Daisy Reyes, Ina Fileo, Cherry Lou, Angeline Urquico, Neri Naig, Jommy Teotico, Jerome Ventilla, at Gigi Posadas. Ito ay sa ilalim ng pagsasaliksik ni Alora Ramos, panulat ni Maan Dimaculangan, at direksyon ni Dado Lumibao. Huwag palampasin ang patuloy na pagdiriwang ng ika-20 anibersaryo ng longest-running drama anthology ng Asya, ang “Maalaala Mo Kaya” (MMK), tuwing Sabado ng gabi, pagkatapos ng “Junior Master Chef Pinoy Edition.” Para sa iba pang updates, mag log on sa www.mmk.abs-cbn.com, sundan ang @MMKOfficial sa Twitter, at i-“like” ang www.faceboook.com/MMKOfficial.